Egzon Thaqi i siguron medaljen e artë Kosovës në “Men’s Physique”

Bodybuilderi i njohur kosovar, Egzon Thaqi, ka arritur sukses të jashtëzakonshëm në garën e mbajtur në Koper të Sllovenisë

Thaqi garoi në kategorinë ”Men’s Physique” në turneun ”maXXimum Open IFBB”, duke mbrojtur stemën e Kosovës dhe zuri vendin e parë.

31-vjeçari kishte konkurrencë të madhe nga bodybuilderët që ishin nga vendet e rajonit (Italia, Bosnja, Slovenia, Gjermani, Austria etj.), por kjo i dha edhe më shumë motiv për të përfunduar i pari.

Thaqi, me prejardhje nga fshati i Komoranit, ka folur ekskluzivisht për lajmi.net pas triumfit të madh në Slloveni, shkruan insporti, përcjell albinfo.ch.

”Unë dje e kom bërë një garë në bodybuilding, kategoria men’s physique që quhet maXXimum open IFBB, e cila është mbajtur në Koper të Slovenisë”.

”Përfaqësova më shumë krenari Kosovën, ku dhe rrëmbeva vendin e parë. Pjesëmarrës pati shumë nga i gjithë rajoni, si p.sh. Italia, Sllovenia, Bosnja, Italia, Gjermani etj”.

”Jam shumë i lumtur që arrita këtë triumf dhe për më tepër që e arrita duke mbrojtur stemën e Kosovës. Shpresojmë dhe besojmë se do të kemi edhe shumë suksese të tjera në të ardhmen”.

---