Elly Iseni, storie suksesi në kuzhinën daneze

Fituesja shqiptare e “Hell’s Kitchen” në Danimarkë është shqiptarja Elly Iseni, transmeton albinfo.ch.

Ajo është arsimuar për gastronomi dhe ka arritur të jetë mjaft e suksesshme në profesion.

“Kam ardhur në Danimarkë kur kam qenë 5 vjeç dhe në moshën 14-15 vjeçare kam filluar të studioj për t’u bërë kuzhiniere, më pas kam punuar edhe për Parlamentin e Kopenhagenit”, tregon profesionistja shqiptare.

Konkurrenca ishte e madhe në “Hell’s Kitchen” në Danimarkë, por puna dhe përkushtimi i shqiptares ishte shumë i lartë, andaj ajo u vlerësua si kuzhinierja më e mirë në Danimarkë. /Albinfo.ch