Emigracioni në Kroaci, gjashtë shkolla mbeten pa nxënës

Pasojat e emigrimit dhe të më pak lindjeve janë të dukshme në Kroaci. Në fillim të vitit shkollor gjashtë shkolla janë mbyllur për shkak se nuk ka nxënës, ndërsa në 117 shkolla asnjë nxënës nuk ishte regjistruar në klasën e parë, raportojnë mediat kroate, përcjell albinfo.ch.

Sipas të dhënave të përkohshëm që mediat në Zagreb kanë marrë nga Ministria e Arsimit dhe Shkencës në vitin shkollor 2018/2019, gjashtë shkolla të rrethit do të mbeten pa nxënës.

Po ashtu vlerësojnë se ky vit shkollor është alarmues në 117 shkolla, ku asnjë nxënës i ri nuk është regjistruar.

Në qoftë se llogaritet me përqindje, 9.5 për qind të shkollave nuk kanë nxënës në klasën e parë, raportuar nga Ministria kroate, edhe pse disa shkolla me asnjë nxënës në klasën e parë do të vazhdojnë të punojnë, sepse ka nxënës në klasën e dytë, të tretë dhe të katërt.