Emrat e të akuzuarve për veteranët

Mediat kanë publikuar emrat e të akuzuarve për listat e rrejshme të veteranëve.

KTV raporton për emrat e të akuzuarve, që dyshohet se janë përfshirë në rastin e “Veteranit”.

Ata janë, Agim Çeku, Nuredin Lushtaku, Sadik Halitjaha, Shkumbim Demaliaj, Rrustem Berisha, Faik Fazliu, Fadil Shurdhaj, Xhavit Jashari, Qelë Gashi, Shukri Buja, Ahmet Daku, Smajl Elezaj.

Edhe Albinfo.ch shkroi gjatë ditës për rastin ku Prokuroria Speciale ngrit aktakuzë për 12 persona në lëndën “Veteranët”

Prokuroria Speciale e Republikës së Kosovës, sot ka ngritur aktakuzë dhe është dërguar në Gjykatën Themelore në Prishtinë, kundër 12 të pandehurve, për lëndën e njohur në opinion si “VETERANËT” në drejtim të veprës penale “keqpërdorimi i pozitës apo autoritetit zyrtarë”.

“Gjithashtu, në aktakuzë është propozuar që gjykata të lëshoj masën  për ndalimin  e pagesës së pensioneve të fituara në mënyrë të kundërligjshme si veteran luftëtarë të UÇK-së, deri në përfundimin e procedurës penale”, thuhet në njoftimin e PSH-së.

---