Enti i Statistikave, thotë se popullsia kosovare po plaket

Aktualisht Kosova ka popullsinë më të re në botë, por ky trend po shkon duke ndryshuar, thonë zyrtarët e Entit të Statistikave të Kosovës.

Sipas statistikave që janë prezantuar, popullsia e Kosovës po plaket. Në vitin 2003 kur edhe është bërë anketa e fundit demografike, Kosova nga mosha 0 deri në 15 vjet ka pasur 33%  të popullsisë, ndërsa sot 8 vjet më vonë, kjo shifër ka rënë në 28%.

Statistikat e vitit 2003 paraqesin mesataren e të dhënave në 3 fëmijë për një femër, ndërsa në vitin 2009 është zvogëluar në 2. Përfaqësuesit e Entit të Statistikave e konsiderojnë këtë trend si rënie drastike të natalitetit në Kosovë.

Vendet rurale vazhdojnë të jenë më të banuarat me 63 %, ndërsa migrimi vazhdon të mbetet karakteristikë e popullsisë së Kosovës.