Erëza Suka pranë gjysmëfinales së “The Voice of Germany”

Erëza Suka shkëlqen në “The Voice of Germany”, synon gjysmëfinalen

Erëza Suka, vajza e ish-futbollistit të njohur Bekim Suka dhe me origjinë nga Suhareka, po afirmohet me shpejtësi në skenën muzikore gjermane. E lindur dhe rritur në Perëndim, talenti i saj po spikat në spektaklin prestigjioz “The Voice of Germany”, transmeton albinfo.ch.

Me interpretimin e saj të fundit, Erëza bindi jurinë dhe siguroi kualifikimin në një fazë vendimtare të garës, ku kanë mbetur vetëm 16 konkurrentë, mes tyre edhe tetë këngëtarë të afirmuar, çka rrit ndjeshëm nivelin e konkurrencës.

Mbështetja për të është rritur dukshëm, veçanërisht nga komuniteti shqiptar në Kosovë, Maqedoninë e Veriut dhe diasporë, të cilët e shohin si një ambasadore të denjë të talentit shqiptar në një prej skenave më të mëdha muzikore në Evropë.

Sonte pritet performanca e saj vendimtare, e cila mund ta dërgojë drejt gjysmëfinales së “The Voice of Germany”. /Albinfo.ch

 

---