Erzen Shkololli, drejtor i Galerisë Kombëtare të Shqipërisë

Ai ka thënë se vizioni për të ardhmen e Galerisë së Shqipërisë është ta shndërrojë atë në qendër graviteti si për prurjet bashkëkohore në art

Ish-drejtori i Galerisë së Arteve të Kosovës, Erzen Shkollori, është emëruar nga Qeveria Rama në krye të Galerisë Kombëtare të Shqipërisë.

“Është nder i veçantë për mua që të pranoj emërimin nga Qeveria e Republikës së Shqipërisë për të udhëhequr Galerinë Kombëtare të Shqipërisë në këtë moment të veçantë për artin shqiptar, kur Shqipëria dhe shqiptarët po e zënë vendin e tyre të pamohueshëm në Evropë dhe në botë. Jam i përkushtuar që në skenën artistike t’i jap shtytje kësaj fryme, i bindur që arti shqiptar është pjesëza që kompleton mozaikun e pasur të krijimtarisë evropiane dhe botërore”, ka thënë Shkololli.

Ai ka thënë se vizioni për të ardhmen e Galerisë së Shqipërisë është ta shndërrojë atë në qendër graviteti si për prurjet bashkëkohore në art, ashtu edhe për talentin vendor.