EULEX-i me plan tjetër

Misioni i BE-së – EULEX do të provojë një rrugë tjetër që të bind Kuvendin të nxjerrë një rezolutë për të pyetur Gjykatën Kushtetuese për imunitetin e deputetëve, pas refuzimiti të kryeparlamentarit Krasniqi.

EULEX do t’u dërgojë letër të gjitha grupeve parlamentare që të deklarohen për rezolutën, shkruan Express.

EULEX do t’i kthehet këtij opsioni pasi kryeparlamentari Jakup Krasniqi refuzoi të merret me këtë çështje me arsyetimin se është në kundërshtim me Kushtetutën.

Krasniqi ka sugjeruar që për secilin deputet për të cilin drejtësia ka nevojë ta zhveshë nga imuniteti duhet të ketë kërkesë nga prokurori publik dhe vetëm atëherë ai do ta fusë në rend dite të legjislativit.

Qëndrimi i kryeparlamentarit Krasniqit ka nxitur reagime nga diplomatë amerikanë si dhe europianë.