Euro, më e dobët se dollari pas 11 vjetëve

Monedha e përbashkët evropiane ka shënuar rënien për herë të parë nën vlerën e dollarit pas më shumë se 11 vjetëve

Keystone

Dollari kishte rënë më shumë se euro për herë të fundit më 11 nëntor 2003.

Lajmi kryesor në tregun financiar ndërkombëtar është se dollari amerikan ka mposhtur euron pas më shumë se 11 vjetëve, raporton AFP.

Ekonomistët thonë se euro është tani në nivelin më të ulët historik, ngase pretendimet e tregtarëve në tregjet e aksioneve dolën të vërteta se Banka Qendrore Evropiane do të rrisë programin stimulues nëpërmjet blerjes së obligimeve.

Çdo monedhë është një reflektim i ekonomisë së një vendi dhe është e qartë se sjellja e euros është një reflektim i situatës ekonomike në vendet më të mëdha të Eurozonës, në radhë të parë Gjermanisë dhe Francës, si dhe vendet e të tjera, ekonomia e të cilave është e pazhvilluar.

Çdo vështirësi që mund të lindë në situatën e përgjithshme ekonomike në Eurozonë, thonë ekspertët, ndikojnë dukshëm në lëvizjen e kursit të këmbimit.

Përndryshe, raporti dollar-euro është më interesanti në tregun financiar ndërkombëtar, sepse këto dy monedha janë tregtuar zakonisht në të njëjtën kohë dhe pasqyron gjendjen e ekonomisë të vendeve më të fuqishme të botës.