Facebook kundërshton kërkesat e autoriteteve zvicerane

(KEYSTONE/Christian Beutler)

Gjatë tre muajve të parë të 2018-ës autoritetet zvicerane bënë 80 kërkesa për të dhënat e përdoruesve të Facebook-ut, megjithatë dy të tretat e tyre u injoruan, sipas gazetës SonntagsBlick, siç raportohet në 20 minuta, përcjell albinfo.ch.

Kur kërkesat ishin urgjente, shkalla e përgjigjes u rrit në dy të tretat e kërkesave.

Reto Nause, i cili është përgjegjës për sigurinë në qytetin e Bernës, nuk është i kënaqur me regjistrimin e rrjetit social. Disa vjet më parë ekipi i tij kërkoi informacione për aktivitetin e përdoruesit në lidhje me një protestë që u degjenerua në qytet. Facebook kurrë nuk u përgjigj.

Facebook nuk ka prani fizike në Zvicër. E vetmja rrugë ligjore për ndjekjen e kompanisë është hapja e një aksioni të gjatë gjyqësor ndërkombëtar kundër filialit evropian të Facebook, me seli në Irlandë.

Balthasar Glättli, një parlamentar nga Cyrihu, po bën thirrje për rregulla që kërkojnë që shumëkombëshet e mëdha online të kenë një adresë në Zvicër. Këshilli Federal po shqyrton tani këtë ide.