Fakultet juridik gjerman në Kosovë

Hoxha dhe Maas diskutuan mundësinë e hapjes së një Fakulteti juridik gjerman në Kosovë, me qëllim të forcimit të arsimit në fushën juridike

Fakulteti juridik gjerman mund të hapet edhe në Kosovë. Kjo është diskutuar në mes ministres së drejtësisë së Kosovës, Dhurata Hoxha dhe ministri federal i drejtësisë, Heiko Maas, raporton albinfo.ch.

Hoxha po qëndron në Berlin me ftesë të Maas dhe kanë diskutuar për disa çështje.

Dhurata Hoxha ka falënderuar për mbështetjen e deritashme që Gjermania i ka dhënë Kosovës për fuqizimin e sundimit të ligjit në Kosovë, thuhet në njoftimin e kësaj ministrie.

Kosova e falënderon Gjermaninë për atë çfarë ka bërë deri më tani në Kosovë, derisa ka kërkuar ndihmë në procesin e hartimit të Kodit Civil sipas modelit gjerman.

Hoxha dhe Maas diskutuan mundësinë e hapjes së një Fakulteti juridik gjerman në Kosovë, me qëllim të forcimit të arsimit në fushën juridike, thuhet më tej në njoftimin e ministrisë së drejtësisë.