Falimentimet për paaftësi pagimi janë rritur për 7%

Sektorët më të prekur nga ky fenomen pas njëmbëdhjetë muajve të këtij viti janë ndërtimi, restaurimi, artet dhe punët artizanale

Numri i falimentimeve të ndërmarrjeve për paaftësi pagimi në Zvicër janë rritur për 7% për 11 muaj, duke shënuar në 4003 raste. Vetëm gjatë muajit nëntor shënohet një rritje prej 8%, duke arritur në 429 raste.

Prirja rritëse e regjistruar në mes të janarit dhe në fund të nëntorit është kryesisht për shkak të përkeqësimit në rajonet gjermanofolëse të Zvicrës (rreth Bazelit) si dhe në Zvicrën Qendrore (rreth Lucernit), theksoi kompania për ndihmë dhe informacione ekonomike Bisnode.

Sektorët më të prekur nga ky fenomen pas njëmbëdhjetë muajve të këtij viti janë ndërtimi, restaurimi, artet dhe punët artizanale. Këto sektore paraqesin një rrezik të falimentimit për paaftësi pagimi, i cili është dy herë më i madh se në sektorët e tjerë.
Më pak falimentime në Neuchâtel

Në Zvicrën Perëndimore numri i falimentimeve të biznesit është ulur me 16%, si në Neuchâtel, në mes të janarit dhe në fund të nëntorit. Në Gjenevë gjithashtu shënohet një ulje me 6% dhe me 5% në Freiburg. Megjithatë, theksohet një rritje prej 11% në kantonin e Vaud-it , 8% në Jura dhe Valais 5%. Ndërsa Berna, nga ana e saj, paraqet një rritje prej 3%.