Falsifikim votash në Bazeland

Në zgjedhjet për Parlamentin e Kantonit Baselland që janë mbajtur të dielën që shkoi, numëruesit e votave në qarkun zgjedhor Muttenz-Birsfelden kanë gjetur një numër fletëvotimesh të dyshimta.

Nga votat e dyshuara, siç raporton televizioni publik i Zvicrës sf1, ka përfituar Ayse Dedeoglu, një kandidate (tashmë deputete) 42 vjeçe e Partisë Socialdemokrate. 200 fletëvotimet që janë gjetur me emrin e saj, duket se janë plotësuar nga një dorëshkrim i njëjtë.

Dedeoglu, në televizionin zviceran është shprehur e befasuar dhe ka thënë se dëshiron që ta ndriçojë sa më parë rastin. Ajo ka ushtruar padinë kundër personit të panjohur. Ndërkohë, edhe prokuroria shtetërore e Bazelandit ka nisur një procedurë për falsifikim votash.