Familja e Faton Hajrizit paralajmëron padi ndaj Kurtit dhe tre zyrtarëve të tjerë

Familja e Faton Hajrizit, të vrarë në Serbi, ka paralajmëruar padi ndaj kryeministrit të Kosovës, Albin Kurti, zëvendëskryeministrit Besnik Bislimi, ministres së Drejtësisë, Albulena Haxhiu dhe deputetit të Lëvizjes Vetëvendosje, Arbër Rexha.

Sipas avokatit të angazhuar, Gent Gjini, padia do të bëhet për shkak që të njëjtën kanë “përdorur shprehje joetike dhe fyese ndaj familjes Hajziri”.

“Nesër (e enjten) në pallatin e drejtësisë do t’i dorëzojmë paditë dhe kallëzimet penale në Gjykatën Themelore të Prishtinës ndaj zyrtarëve publikë, të cilët kanë përdorur ofendime dhe gjuhë urrejtje për Faton Hajrizin, me shprehje si ‘kriminel, e pikërisht  fjala kriminel na ka shtyrë t’i procedojmë paditë për shpifje dhe ofendim. Zëvendëskryeministri Besnik Bislimi, kryeministri po ashtu, deputeti Arbër Rexha e po ashtu ministrja e Drejtësisë kanë përdorur shprehje joetike dhe fyese ndaj familjes Hajrizi”, ka thënë avokati Gjini.

Hajrizi ishte arratisur më 6 korrik nga burgu i Smrekonicës në Vushtrri dhe më 19 korrik të 2024-s ishte vrarë në Lloznicë, në afërsi të kufirit mes Serbisë dhe Bosnjës./Koha net