Federata e Tregtisë: Të zbutet bllokimi menjëherë, të përfundojë më 1 mars!

Ndërsa, që nga 1 marsi 2021, Federata e Tregtisë kërkon gjithashtu që ekonomia të hapet plotësisht.

Federata Zvicerane e Tregtisë SGV po bën thirrje që bllokimi për shkak të koronavirusit të zbutet menjëherë, raporton srf.ch.

Është kështu, sepse jo vetëm ekonomia, por edhe popullsia ka gjithnjë e më shumë probleme me mungesën e planave të  qeverisë federale, ka thënë drejtori i SGV Hans-Ulrich Bigler në një konferencë për media, të mbajtur paraditen e sotme.

Kjo, sipas SGV duhet të mundësojë lejimin e hapjes së tarracave të lokaleve hoteliere e gastronome  si dhe shitjet në natyrë në tregtinë me pakicë, transmeton albinfo.ch.

Ndërsa, që nga 1 marsi 2021, Federata e Tregtisë kërkon gjithashtu që ekonomia të hapet plotësisht.

Në mënyrë të veçantë, sgv bën thirrje që ekonomia të hapet plotësisht deri në 1 Mars, në përputhje me konceptet e mbrojtjes.

Me ndihmën e koncepteve të mbrojtjes, duhet të jetë e mundur të hapet ekonomia edhe në kushtet e mutacioneve të koronës.

Përveç kësaj, programi federal i vaksinimit pritet të përfundojë deri në fund të qershorit 2021, thonë në SGV.

Si masa shoqëruese, duhet të intensifikohen dhe zgjerohen testet e koronavirusit në mënyrë që të thyhen zinxhirët e infeksionit, thuhet në prononcimin e federatës në fjalë.

“Shifrat e brendshme nga Zyra Federale e Shëndetit Publik tregojnë se më pak se 5 për qind e të gjitha infeksioneve ndodhin brenda ekonomisë, përcjell albinfo.ch. E nga ana tjetër, pikërisht ekonomia është në bllokim”, është shprehur drejtori i SGV, Hans-Ulrich Bigler.

---