Feith mbetet shef i ICO, mbaron punën në EUSR

Mandati i Pieter Feith si EUSR përfundon më 30 prill 2011 ndërsa mandati i tij si ICR është do të vazhdojë për një kohë të pacaktuar

Në një njoftim të zyrës për Medie, të ICO-së, duke iu referuar disa raportimeve të ditëve të fundit, opinioni sqarohet lidhur me çështjen e mandateve të Përfaqësuesit Civil Ndërkombëtar (ICR) dhe Përfaqësuesit Special të Bashkimit Evropian (EUSR).

Në këtë njoftim thuhet se mandati i Pieter Feith si ICR është rikonfirmuar nga Grupi Drejtues Ndërkombëtar në takimin e mbajtur në shkurt të vitit 2011 dhe ai do të vazhdojë për një kohë të pacaktuar.

“Gjatë vitit që kemi përpara ICO-ja do të vazhdojë punën për zbatimin e Propozimit Gjithëpërfshirës për Statusin (PGJS) së bashku me institucionet e Kosovës. Në afat të gjatë, fundi do të jetë mbyllja e ICO-së, megjithatë ky është një vendim vetëm i Grupit Drejtues Ndërkombëtar, pas marrjes në konsiderim të progresit të arritur”, thuhet një njoftim.

Më tej, bëhet e ditur se mandati i Pieter Feith si EUSR përfundon më 30 prill 2011.

“Po vazhdojnë diskutimet në Bruksel për rregullimin e ardhshëm të pranisë së BE-së në Kosovë duke marrë parasysh Traktatin e Lisbonës”, bën me die zyra për medie e ICO.