Feith nuk përfaqëson më BE-në në Kosovë

Deklarata ka ardhur nga Maja Kocijançiq, zëdhënëse e përfaqësueses së lartë të BE-së për Politikë të Jashtme dhe Siguri, Catherine Ashton

Bashkimi Evropian ka konfirmuar se Piter Feith që nga dita e sotme nuk do të jetë më përfaqësues i posaçëm i BE-së në Kosovë.

Deklarata ka ardhur nga Maja Kocijançiq, zëdhënëse e përfaqësueses së lartë të BE-së për Politikë të Jashtme dhe Siguri, Catherine Ashton. Ajo ka shtuar se “shtetet anëtare janë duke zhvilluar konsultime lidhur me përforcimin e pranisë së BE-së në Kosovë duke pasur parasysh Traktatin e Lisbonës dhe Agjendën evropiane për Kosovën”.

Por diplomatët e vendeve anëtare në BE pranojnë se është krijuar një konfuzion i madh rreth pranisë së BE-së në Kosovë, përfshirë edhe vakuumin në krye të misioneve të cilat edhe janë ende të padefinuara. Ndonëse ekziston një plan që Fernando Gentilini të jetë ushtrues i kësaj detyre për një fazë kalimtare as për këtë nuk ka ndonjë vendim të marre nga BE.