FIFA vendos: Pauza në finalen Spanjë–Argjentinë do të zgjasë 17 minuta

Performancat e Shakirës, Madonnës dhe Justin Bieberit do të zhvillohen gjatë pushimit mes pjesëve, por FIFA kufizon kohëzgjatjen në 17 minuta.

FIFA ka vendosur që pauza mes pjesës së parë dhe të dytë në finalen e Kupës së Botës 2026 ndërmjet Spanjës dhe Argjentinës të zgjasë gjithsej 17 minuta, pas kritikave për mundësinë e një ndërprerjeje më të gjatë, përcjell albinfo.ch.

Sipas të përditshmes spanjolle Marca, pushimi në finalen që do të zhvillohet në stadiumin “MetLife” në New Jersey do të jetë vetëm dy minuta më i gjatë se ai standard prej 15 minutash.

Nga 17 minutat e planifikuara, 11 do t’i kushtohen performancave muzikore të Shakirës, Madonnës dhe Justin Bieberit, ndërsa gjashtë minutat e mbetura do të shfrytëzohen për vendosjen dhe largimin e skenës së koncertit.

Me këtë vendim, FIFA synon të ofrojë një spektakël artistik pa ndikuar ndjeshëm në ritmin dhe zhvillimin e finales së madhe të Kupës së Botës./Albinfo.ch

---