Fillon gjykimi kundër El Chapos, përcaktohen gjykatësit

Tashmë janë përzgjedhur gjykatësit, të cilët do ta gjykojnë bossin famëkeq meksikan të drogës, Joaquin El CHapo Guzman.

Shtatë gra dhe pesë burra do të vendosin nëse Guzman është fajtor për 11 pika të aktakuzës lidhur me trafikim, pastrim parash dhe posedim armësh. Që të 12 gjykatësit do të mbesin anonim dhe nën masa të rrepta të sigurisë derisa të vijnë në gjykatë, përcjell albinfo.ch.

Nëse shpallet fajtor, lideri i kartelit brutal meksikan Sinaloa mund të dënohet me burgim të përjetshëm. Guzmani dy herë kishte ikur nga burgjet meksikane para se të ekstradohej në SHBA në janar të 2017-s.

Gjykimi kundër tij në Brooklyn do të fillojë më 13 nëntor dhe mund të zgjasë deri në 4 muaj. Sipas amerikanëve, karteli i tij kishte sjellë në SHBA, sasi marramendëse të heroinës, metamfetaminës, kokainës dhe marihuanës.