Fitimet e Bankës Kombëtare Zvicerane u përgjysmuan nga pandemia

(KEYSTONE/Ennio Leanza)

Banka Kombëtare Zvicerane (SNB) regjistroi një fitim prej 20,9 miliardë CHF në vitin 2020, më pak se gjysma e 48,9 miliardë CHF që bëri në vitin 2019.

Rreth 6 miliardë CHF të fitimeve do t’i shpërndahen qeverisë zvicerane dhe kantoneve, krahasuar me 4 miliardë CHF vitin e kaluar, përcjell albinfo.ch.

Shpërndarja e fitimeve rregullohet nga një marrëveshje e hartuar midis Ministrisë së Financave dhe SNB. Për periudhën 2016-2020, thuhet në konventë, të paktën 1 miliard CHF duhet t’u paguhet kantoneve dhe qeverisë kur rezervat janë pozitive.

Banka gjithashtu propozoi një divident prej 15 CHF për aksion, maksimumi ligjor, i cili mbetet i qëndrueshëm.

Vlera e valutave të huaja dhe pozicioneve të arit të Zvicrës u rrit gjatë pandemisë së koronavirusit vitin e kaluar, ndërsa investitorët kërkuan strehë të sigurta dhe tregjet e aksioneve u rritën me norma të ulëta interesi. Fitimet e SNB-së të bëra në pozicionet e valutave të huaja arritën në 13.3 miliardë CHF, krahasuar me 40.3 miliardë CHF një vit më parë, përcjell tutje albinfo.ch.