Flora Brovina publikon dëshmi të femrave të dhunuara nga ushtria serbe në Kosovë

Deputetja e PDK-së, Flora Brovina, ka paraqitur një fotografi që, sipas saj, dëshmon dhunimin e një gruaje 35-vjeçare nga ushtarët serbë gjatë luftës në Kosovë. Sipas Brovinës, dhunimi ka ndodhur në sy të familjes. 

“Rasti në fjalë është një fotografi që është gjetur në aparatin e një ushtari serb që dëshmon aktin, mënyrën se si i kanë dhunuar gratë. Kjo është vetëm njëra nga mënyrat kur i kanë detyruar familjarët ta shohin aktin e dhunës seksuale. Shumë raste kemi kur ato janë mbledhur shumë në numër dhe sistematikisht janë dhunuar nga ushtarët serbë“, tha ajo. 

Ajo nuk ka dhënë detaje se në cilin vend ka ndodhur ky rast, pasi sipas saj, duhet ruajtur privatësia. “Gruaja është 50-vjeçare, kur ka ndodhur ka qenë 35-vjeçare. Tani është zgjuar vetëdijesimi institucional që për këto viktima të ngritën aktakuza. Serbia është fajtorja“, tha ajo.