Fondi i privatizimit të futet në tregun financiar, thonë ekspertët

Sipas tyre siguria e këtyre mjeteve në bankat komerciale vendëse është më e qëndrueshme se sa në bankat ndërkombëtare

Shuma e Fondit të Privatizimit dhe Trustit, mbahet e ngrirë në bankat vendëse dhe ndërkombëtare.

Ekspertët e ekonomisë, vazhdimisht kanë kërkuar që këto mjete të hyjnë në funksion të zhvillimit ekonomik të vendit.

Mejdi Bektashi, profesor në Universitetin e Prishtinës, e ka vlerësuar të domosdoshme kthimin e këtyre mjeteve në tregun financiar. Sipas tij, ekzekutivi i vendit urgjentisht duhet të ndryshojë legjislacionin për këtë çështjeje.

Ai, ka thënë se siguria e këtyre mjeteve në bankat komerciale vendëse është më e qëndrueshme se sa në bankat ndërkombëtare.

Sipas Bektashit, plasimi i këtyre mjeteve në institucionet financiare në vend, do të ndikonte në zhvillimin e përgjithshëm ekonomik, sidomos në uljen e normave të interesit për kredi, që sipas tij, janë më të lartat në rajon.

Kurse përfaqësues të Trustit të Kursimeve Pensionale të Kosovës, kanë thënë se Trusti ka kërkuar nga bankat komerciale në Kosovë që të ofrojnë kushtet e tyre në mënyrë që të depozitojë më shumë mjete në këto institucione. Sipas tyre 　disa prej bankave nuk kanë shprehur interesim për një gjë të tillë.

Jeton Demi, zëdhënës në Trust, ka deklaruar për Radion Evropa e Lirë, se Trusti ka shprehur vullnetin disa herë që të krijohen mundësitë ligjore dhe instrumentet financiare, që më shumë mjete të investohen në Kosovë.

Megjithatë, Demi, tregon se deri në fund të gjashtë mujorit të parë të këtij viti, Trusti kishte nën menaxhim rreth 546 milionë euro