Franca do t’i vendosë në rrugë 40 mijë policë

Në përgjigje të trazirave pas vrasjes së një adoleshenti në Paris

Raporohet se të paktën 40 mijë oficerë policie janë vendosur në gjithë Francën për t’u marrë me protestat e shkaktuara nga vrasja e një 17-vjeçari nga policia, përcjell albinfo.ch.

Ministri i Brendshëm, Gerald Darmanin, ka bërë me dije se sonte do të mobilizohen 40 mijë oficerë në gjithë Francën.

“Dje, vetëm 9,000 u vendosën. Megjithatë, gjendja e jashtëzakonshme nuk pritet të shpallet, tha ai. Adoleshenti, i quajtur Nahel M. u qëllua në distancë, pasi ai refuzoi të ndalej me veturë në një pikë kontrolli dhe u largua. Të paktën 180 persona janë arrestuar pas një nate të dytë trazirash, ndërsa 170 oficerë u plagosën, tha ministri i Brendshëm francez, raporton BBC, transmeton Klankosova.tv. Në Nanterre, ku u qëllua Naheli, po zhvillohet një marshim i organizuar nga nëna e adoleshentit në kujtim të tij. Oficeri i policisë që qëlloi adoleshentin është vënë nën hetim zyrtar për vrasje me dashje. Presidenti francez, Emmanuel Macron, ka mbajtur një takim krize dhe e ka dënuar dhunën në rrugë.

 

---