Francezi, i gatshëm të investojë në Kosovë

Investitori francez prezantoi brendin e tij të veshjeve sportive “Newline” ku punonte tash e shumë vite, madje ky brend është i njohur në shumë vende të Evropës, Amerikë dhe Kanada

Për lidhjen e investitorëve francez në bashkëpunim me investitorët kosovarë, është mbajtur një takim në zyret e Odës së Afarizmit të Kosovës.

Francezi Marc Pomarat me bashkëpunëtorët e tij në takim e priti kryetari i OAK, Skënder Krasniqi, i cili i falënderoi për vizitën si dhe për zgjedhjen e Kosovës si vend potencial për të investuar, njofton Klan Kosova.

Investitori francez prezantoi brendin e tij të veshjeve sportive “Newline” ku punonte tash e shumë vite, madje ky brend është i njohur në shumë vende  të Evropës, Amerikë dhe Kanada, përcjell albinfo.ch.

Ramush Ashani theksoi që investimet e tij të jenë të drejtuara në Kosovë, duke theksuar që brendi i ri sportiv do të jetë “Made in Kosova” dhe do të jetë i pranishëm në shumë tregje botërore.

Ndërsa, anëtari i bordit të OAK, Hamdi Malushaj theksoi se në Kosovë ka mjaft hapësirë për bashkëpunim dhe investim. Gjithashtu prodhuesit janë të privilegjuar dhe kanë shumë lehtësira në të bërit biznes theksoi më tutje Malushaj.

Në fund të takimit të dy palët u pajtuan që ka hapësirë për bashkëpunim dhe investim në Kosovë, andaj OAK shprehu gatishmërinë për të mbështetur investitorët francez dhe ndërlidhjen me investitorët nga Kosova.

---