FSK, në Shqipëri për gjetjen e trupit të një shtetasi të Kosovës

Ministria e Mbrojtjes e Republikës së Kosovës

Forca e Sigurisë së Kosovës është dërguar në Shqipëri për gjetjen e trupit të një shtetasi të Kosovës, i cili dyshohet se ka rënë në lumë, derisa peshkonte në lumin Buna në Shkodër më 17 dhjetor.

“Me kërkesë të autoriteteve të Republikës së Shqipërisë, sot në orët e para të mëngjesit një kontigjent i specializuar i Forcës së Sigurisë së Kosovës ka zbarkuar për një mision humanitar të kërkim-shpëtimit për gjetjen dhe nxjerrjen e trupit të shtetasit të Kosovës që humbi jetën tragjikisht në lumin Buna. Me këtë rast, ministri i Mbrojtjes, Ejup Maqedonci, i shprehu ngushëllime familjes Syla për humbjen e familjarit të tyre”, thuhet në njoftimin e Ministrisë së Mbrojtjes.