FSK ka kapacitet t’i karantinojë deri në 1800 njerëz

Komandanti i FSK-së, gjenerali Rrahman Rama, ka thënë se ushtria ka kapacitet për karantinimin e 1800 njerëzve.

Në Kosovë aktualisht janë 17 raste të konfirmuara që kanë rezultuar pozitiv me koronavirus, shkruan lajmi.net, percjell albinfo.ch.

Në anën tjetër, kur po parashihen masa edhe më të rrepta për parandalimin e përhapjes së koronavirusit, komandanti i Forcave të Sigurisë së Kosovës, Rrahman Rama, në RTK është shprehur se FSK mund t’i karantinojë deri në 1800 njerëz.

“FSK ka kapacitet për 1800 shtretër, aty përfshihet edhe ushqimi dhe stafi mjekësor që e kemi. Si ushtri ende nuk jemi përballur me gjendje të jashtëzakonshme, na duhet përkrahja e qytetarëve, kujdesi i shtuar”, ka thënë Rama.

---