Futbollisti shqiptar prezantohet në klubin e Bundesligës gjermane

Gruda në këtë sezon ka luajtur 18 ndeshje në kampionat me fanellën e Brighton, duke shënuar një gol e dhënë një asist

Lëvizje e papritur për Brajan Grudën. Sulmuesi shqiptar, ka vendosur që të largohet nga Brighton, të paktën deri në fundin e sezonit, për të luajtur në Bundesligë, transmeton albinfo.ch.

Futbollisti është prezantuar sot si përforcimi ri i Laipzig, që e ka huazuar deri në fund të sezonit nga klubi anglez, për t’i besuar një rol portagonisti.

Kjo shihet qartë edhe nga fakti se sulmuesit të talentuar i cili ndiqet me shumë interes nga Kombëtarja shqiptare, i është besuar fanella me numrin 10, transmeton albinfo.ch.

Prezantimi i tij u bë gjatë mëngjesit të sotëm dhe ashtu siç pritej, ishte me një Red Bull në dorë, që është sponsori i klubit gjerman.

Gruda në këtë sezon ka luajtur 18 ndeshje në kampionat me fanellën e Brighton, duke shënuar një gol e dhënë një asist.

---