Gashi: 2018, viti i të drejtës së autorit për Kosovën

Në Kosovë është mbajtur konferenca rajonale “E drejta e autorit në kohën digjitale”, transmeton albinfo.ch. Ministri i Kulturës, Kujtim Gashi, gjatë fjalimit të tij tha se duhet të vazhdohet puna në mbrojtjen e të drejtës së autorit në ambientin digjital.

“Viti 2018 është vit i të drejtës së autorit për Kosovën, pasi që është arritur marrëveshja për tarifat e përgjithshme për shfrytëzimin e muzikës nga transmetuesit në territorin e Republikës së Kosovës”, njoftoi Gashi.

Ai po ashtu bëri të ditur se deri në fund të marsit të vitit 2019, do të propozojë edhe tarifat për operatorët kabllorë, për çka tha se do të funksionalizohet menaxhimi kolektiv i të drejtave të autorit.