80% e njerëzve të zhvendosur kanë humbur punën që nga fillimi i pandemisë

Rreth 77% e njerëzve të zhvendosur nga konfliktet kanë humbur një punë ose të ardhura që nga fillimi i pandemisë së koronavirusit, tregoi të hënën një sondazh nga Këshilli Norvegjez për Refugjatët (NRC).

Një rekord prej 79.5 milionë njerëzve në gjithë botën u zhvendosën në fund të vitit 2019 pasi kishin ikur nga luftërat ose persekutimet, sipas Kombeve të Bashkuara.

NRC, një organizatë joqeveritare, anketoi 1,431 refugjatë dhe njerëz të zhvendosur brenda 14 vendeve, duke përfshirë Afganistanin, Kolumbinë, Irakun, Kenian, Libinë, Malin, Ugandan dhe Venezuelën.

Rreth 70% e të anketuarve thanë se duhej të shkurtonin numrin e vakteve të ushqimit për familjet e tyre dhe 73% thanë se kishin më pak të ngjarë të dërgonin fëmijët e tyre në shkollë për shkak të problemeve ekonomike.

“Çmimi i ushqimit është dyfishuar. Ne duhet të mbledhim mbetje për të ushqyer fëmijët tanë”, tha Shayista Gul, 60 vjeç, i cili jeton në një shtëpi të improvizuar me dy dhoma së bashku me 15 të tjerë jashtë Kabulit në Afganistan.

Pandemia ka çuar në një rënie ekonomike duke prekur popullatat më të rrezikuara, përfshirë refugjatët dhe njerëzit e zhvendosur brenda vendit, duke i shtyrë ata në një “spirale të rrezikshme në rënie”, tha NRC, shkruan “Reuters”, përcjell albinfo.ch.