80 për qind e të rriturve në Zvicër do të kenë imunitet ndaj virusit

Shumica e të rriturve në Zvicër kanë antitrupa Covid

Gati 80 për qind e të rriturve në Zvicër së shpejti do të kenë imunitet ndaj virusit, bazuar në të dhënat nga Corona Immunitas, një program kërkimor në Universitetin e Cyrihut që studion përhapjen dhe ndikimin e pandemisë në vend, transmeton albinfo.ch.

“Nëse marrim parasysh gjithë Zvicrën, së shpejti do të kemi një prevalencë seriologjike prej 75 deri në 80 për qind”, sipas njërit prej studiuesve, Milo Puhan.

“Nga pikëpamja e antitrupave, situata në Zvicër është shumë inkurajuese”, tha epidemiologu Marcel Tanner.

Sidoqoftë, sipas Tanner, njerëzit që kanë antitrupa në gjakun e tyre nuk janë të gjithë imunë në të njëjtën masë – të vaksinuarit mbrohen më mirë kundër Covid sesa ata që janë shëruar nga sëmundja.

 

---