Skip to content

Gati gjysma e foshnjave të lindura në Belgjikë kishin nëna të huaja ose me prejardhje të huaj

Foto ilustrim (Keystone)

Belgjika ka një popullsi totale prej rreth 11,6 milionë banorësh

Pothuajse 48 për qind e foshnjave të lindura në Belgjikë vitin e kaluar kishin nëna të huaja ose me prejardhje të huaj, bën të ditur Instituti i Statistikave të Belgjikës (Statbel) i cili ka publikuar të dhënat për lindjet në vend në vitin 2020.

Gjysma e lindjeve në vend vitin e kaluar ishin gra me origjinë belge.

25 për qind e lindjeve në Belgjikë janë kryer nga gra të huaja, ndërsa 23 për qind nga shtetas belgë me origjinë të huaj, shkruan ATSH, transmeton albinfo.ch.

Sipas kësaj, nënat e 48 për qind të foshnjave të lindura në Belgjikë ishin të huaja ose me origjinë të huaj.

Norma mesatare e lindshmërisë në vend u regjistrua si 1,54 fëmijë.

Numri mesatar i fëmijëve në Belgjikë varionte sipas origjinës së nënës.

Belgjika ka një popullsi totale prej rreth 11,6 milionë banorësh.

Sipas të dhënave 67,9 për qind e popullsisë së vendit janë belgë, 19,7 për qind janë belgë me origjinë të huaj, ndërsa 12,4 për qind janë të huaj.