Gati gjysma e qytetarëve të BE-së nuk merren me aktivitete sportive

(KEYSTONE/Gaetan Bally)

Të gjithë e dimë se aktiviteti i rregullt fizik në formën e ushtrimeve ose sporteve është thelbësor për përmirësimin e shëndetit fizik dhe mendor. Ndër përfitimet e tjera, ai mbështet funksionimin kognitiv dhe mirëqenien, përcjell albinfo.ch.

Megjithatë, prevalenca e aktivitetit të pamjaftueshëm fizik mbetet e lartë në Evropë. Pothuajse gjysma e banorëve të BE-së (45 për qind) raportojnë se ata kurrë nuk ushtrojnë ose marrin pjesë në sport.

Një raport i përbashkët i Organizatës Botërore të Shëndetësisë (OBSH) dhe Organizatës për Bashkëpunim dhe Zhvillim Ekonomik (OECD) sugjeron se rritja e aktivitetit fizik mund të parandalojë mijëra vdekje të parakohshme në BE dhe të kursejë miliarda euro në shpenzimet e kujdesit shëndetësor në vit.