Gatuhet Bakllava më e madhe në botë, a do ta thyejë rekordin Guinness

Një grup kuzhinierësh në Turqi pretendojnë se e kanë thyer rekordin e Guinnessit për bakllavën më të madhe në botë.

Ata kanë gatuar një bakllavë që peshon mbi 500 kg. Bakllava gjigante u paraqit në samitin e gastronomisë në Ankara, ku dhjetëra vizitorë patën mundësi të shijonin ëmbëlsirën gjigante, përcjell albinfo.ch.

Mehmet Kanbur, i cili udhëhoqi grupin prej 14 kuzhinierësh, tha se bakllava peshonte 518 kg.

Bakllava, prejardhja e së cilës ka qenë prej kohësh temë e debatit mes Turqisë dhe Greqisë, është ëmbëlsirë turke e lidhur me krahinën jugore Gaziantep, ku kuzhinierët e përgatisin atë me fëstëkë të freskët.