Gërvalla në Bazel, diskuton me shqiptarët për sfidat e mësimit të gjuhës shqipe në mërgatë

Foto FB: Donika Gërvalla

Ministrja e Punëve të Jashtme dhe Diasporës në Kosovë, Donika Gërvalla po qëndron në Bazel, ku është takuar me veprimtarë, udhëheqës shoqatash, botues, biznesmenë dhe politikanë shqiptarë.

Përmes një postimi në rrjetin social “Facebook”, Gërvalla ka thënë se ata po luajnë një rol të rëndësishëm në forcimin e lidhjeve mes Kosovës dhe Zvicrës, transmeton albinfo.ch.

“Diskutuam për rritjen e bashkëpunimit me Zvicrën në zhvillimin e mësimit dual në Kosovë, sfidat e mësimit të gjuhës shqipe në mërgatë, rëndësinë e regjistrimit të mërgatës dhe krijimin e lidhjeve mes bizneseve nga Kosova dhe ato shqiptare në Zvicër”, ka shkruar ajo.