Gërxhaliu: Kosova e Shqipëria po garojnë se cila po vendos më tepër barriera

Kryetari i OEK apeloi dy qeveritë, atë të Kosovës dhe të Shqipërisë, që të avancojnë bashkëpunimin ekonomik përmes thellimit të marrëdhënieve në këtë aspekt

174 kompani do të marrin pjesë në Panairin “Prishtina 2018”, prej të cilave 70 janë kompani nga Serbia dhe veriu i Kosovës, ndërsa vetëm një nga Shqipëria. Duke komentuar diferencën drastike të kompanive të Serbisë dhe atyre të Shqipërisë që do të marrin pjesë në këtë panair, kryetari i Odës Ekonomike të Kosovës, Safet Gërxhaliu, tha se një gjë e tillë është dëshmi e humbjes së besimit në mes të Kosovës dhe Shqipërisë.

Sipas tij, Kosova dhe Shqipëria po garojnë se cila po vendos më tepër barriera.

Gërxhaliu apeloi dy qeveritë, atë të Kosovës dhe të Shqipërisë, që të avancojnë bashkëpunimin ekonomik përmes thellimit të marrëdhënieve në këtë aspekt.