Gjendet i vdekur 13 vjeçari i zhdukur

Djaloshin me emrin Silas e ka gjetur një person i tretë, në një terren vështirë të kalueshëm në regjionin Riggisalp

Pas disa ditë kërkimesh intensive, është gjetur të shtunën në regjionin Schwarzsee kufoma e djaloshit 13 vjeçar, Silas, të shpallur të humbur që prej një jave.

Policia e Kantonit të Freiburgut ka konfirmuar lajmin për gjetjen e trupit të pajetë të djaloshit. Atë e ka gjetur një person i tretë, në një terren vështirë të kalueshëm në regjionin Riggisalp, shkruan sda.ch.

Personi që e ka gjetur Silasin, e ka njoftuar policinë rreth orës 16 e 30 përmes REGA-s ndërsa kufoma është transportuar me një helikopter, transmeton albinfo.ch.

Janë duke u bërë hetimet rreth shkaktarit të vdekjes, sipas Policisë së Kantonit, po hetohet në të gjitha drejtimet.