Gjendet një grua e vdekur në Dübendorf

Foto ilustrim: (KEYSTONE/Salvatore Di Nolfi)

Mëngjesin e së mërkurës, në një parking në Dübendorf të Zvicrës, është gjetur një grua e vdekur.

Policia nuk përjashton mundësinë e një vdekjeje të dhunshme, shkruajnë mediat zvicerane, përcjell Albinfo.ch.

Menjëherë pas orës 07.30 të mëngjesit, një kalimtar rasti ishte lajmëruar në stacionin policor, të Policisë Kantonale të Cyrihut, me informatën se në një parking në Dübendorf gjendej një grua pa vetëdije.

Ekipet e shpëtimit që kishin arritur menjëherë në vendngjarje, kanë mundur vetëm të konstatojnë vdekjen e gruas 29-vjeçare, siç thuhet në një komunikatë të policisë.

Shkaku i saktë i vdekjes është subjekt i hetimeve të mëtejshme, të cilat po kryhen nga Policia Kantonale e Cyrihut, në bashkëpunim me prokurorin përgjegjës. Deri në këto momente, një krim i mundshëm nuk mund të përjashtohet.