Gjeneva shkurton periudhën e karantinës në shtatë ditë

Më parë, pesë kantone kishin bërë tashmë të njëjtën gjë. Fjala është për kantonet: Ticino, Basel-Stadt, Waadt, Wallis dhe Jura

Ata që kanë pasur kontakt me ndonjë person të infektuar me virusin korona në kantonin e Gjenevës, nga e shtuna duhet të jenë në karantinë për shtatë në vend të dhjetë ditëve.

Këtë njoftim e ka dhënë të premten drejtoria e shëndetësisë në Gjenevë.

Kantoni i Gjenevës po ndjek kështu një rekomandim nga Zyra Federale e Shëndetit Publik (BAG).

Më parë, pesë kantone kishin bërë tashmë të njëjtën gjë. Fjala është për kantonet: Ticino, Basel-Stadt, Waadt, Wallis dhe Jura. Në Ticino, ashtu si në Gjenevë, rregullimi do të zbatohet nga e shtuna, në katër kantonet e tjera nga e hëna.

Shkurtimi synon të zbusë efektet e masave të karantinës në shoqëri, shkruan BAG në propozimin e publikuar të premten.

---