Vjosa Blakaj doktoron në Universitetin Teknik të Mynihut

Edhe një doktorante shqiptare në një universitet gjerman

Të rinjtë shqiptarë që jetojnë në diasporë po vazhdojnë të tregojnë rezultate të shkëlqyeshme edhe në shkencë.

Ndër shumë vajza dhe gra shqiptare që po tregohen të suksesshme në fusha të ndryshme, është sigurisht edhe Vjosa Blakaj, përcjell albinfo.ch.

Ajo është nga Kosova, jeton dhe punon në Gjermani dhe ka një përvojë të pasur profesionale.

Sukseset e Vjosës në aspektin arsimor e çuan drejt universiteteve më të mira në Gjermani.

Tashmë, ajo zyrtarisht ka doktoruar në “Universitetin Teknik” të Mynihut, transmeton më tej albinfo.ch.

Ajo ka punuar në “Max-Planck-Institut für Quantenoptik” dhe ishte kandidate për doktoraturë dhe hulumtuese. Pas disa viteve studimi, ajo tani ka përfunduar me sukses doktoraturën e saj.

---