Gjermania autorizon përdorimin e centraleve me qymyr

Qëllimi është të ruhet më shumë gaz duke rritur përdorimin e centraleve me qymyr për të prodhuar energji elektrike.

Qeveria gjermane ka miratuar përdorimin e më shumë centraleve me qymyr në kuadër të ndalimit të importeve të gazit nga Rusia.

Një urdhër përkatës u miratua sot nga kabineti. Dhomat e parlamentit të Bundestag dhe Bundesrat kanë miratuar tashmë ndryshime ligjore, transmeton Albinfo.ch.

“Ne duam të kursejmë gazin në verë për të mbushur objektet tona të magazinimit në dimër”, tha ministri i Ekonomisë, Robert Habeck.

Gazi nuk është transportuar përmes gazsjellësit “Nord Stream 1” të Detit Baltik që nga e hëna për shkak të riparimeve të mirëmbajtjes. Shqetësimi është se Rusia nuk do ta hapë më rubinën e gazit pas riparimeve, që zakonisht zgjat deri në 10 ditë.

Sipas urdhëresës, operatorët duhet të sigurojnë që impiantet të rikthehen teknikisht në një gjendje që u lejon atyre të operojnë përgjithmonë në tregun e energjisë elektrike. Shpenzimet e bëra do të rimbursohen/dpa

 

---