Gjermania pret që vaksina e Johnson & Johnson të arrijë në mes ose fund të prillit

Instituti Kombëtar i Shëndetësisë Publike të Kosovës

Ministri i Shëndetësisë, Jens Spahn tha të premten se Gjermania do të duhet të presë deri në mes ose fund të prillit për vaksinën e sapo aprovuar Johnson & Johnson të koronavirusit, duke shtuar se BE po pyet kompaninë për vonesat, përcjell albinfo.ch

Vaksina Covid e Johnson & Johnson të enjten u bë vaksina e katërt që autorizohet për përdorim në Bashkimin Evropian.

Megjithatë Spahn paralajmëroi se Gjermania do të duhet të presë të paktën një muaj tjetër për të marrë dozat e para nga firma amerikane, pasi Berlini përmendi çështjet e prodhimit dhe hezitimin e SHBA-së për të eksportuar vaksinat.

“Ne kemi një autorizim evropian, por dërgesat do të jenë aty vetëm nga mesi deri në fund të prillit”, tha ministri në një konferencë shtypi javore në Berlin.

Ai shtoi se Komisioni Evropian ishte në bisedime me kompaninë mbi problemin.

“Ne bëmë një paradhënie prej 300 milion euro për prodhim dhe nënshkruam një kontratë në tetor, kështu që natyrisht duhet të pyesim se çfarë ka ndodhur”, tha ai, përcjell tutje albinfo.ch