Gjermania raporton 664 raste të reja me Covid-19

Marco Testi

Së fundmi, autoritetet shëndetësore në Gjermani kanë shprehur shqetësim për rritje të numrit të të infektuarve me koronavirus në këtë shtet dhe ka bërë thirrje për zbatim të distancimit fizik dhe rregullave të higjienës, transmeton albinfo.ch.

Ministri Spahn ka thënë se shpërthimet, si të vogla, ashtu edhe të mëdha, janë duke u raportuar në të gjitha rajonet. Ai u shpreh se rritja e numrit të të infektuarve ka ndodhur pas kthimit të njerëzve nga pushimet, por edhe për shkak të organizimeve familjare.

Instituti gjerman Robert Koch, që mbledh të dhënat për koronavirus, ka regjistruar 664 infektime të reja të mërkurën, shkruan albinfo.ch.

Gjermania është lavdëruar për mbajtje të pandemisë nën kontroll për një kohë të gjatë, mirëpo lehtësimi i masave të kufizimit dhe kthimi i udhëtarëve javët e fundit ka ndikuar në rritje të numrit të të infektimeve. /Albinfo.ch