Futboll

Gjithçka rreth ceremonisë hapëse në Kampionatin Botëror

Sot fillon Kampionati Botëror i futbollit në Katar, që do të zgjasë deri më 18 dhjetor

E diel, 20 Nëntor 2022 - 10:00 albinfo.ch

(KEYSTONE/Laurent Gillieron)

32 Kombëtare janë kualifikuar në kampionat nga Evropa, Azia, Amerika e Veriut, Amerika e Jugut, Afrika, Australia dhe Lindja e Mesme.

Ceremonia e hapjes së Kampionatit do të zhvillohet në orën 14:00, përpara ndeshjes hapëse të Grupit A midis Katarit dhe Ekuadorit. Takimi fillon në orën 17:00, transmeton albinfo.ch.

Presidenti i Ekuadorit, Guillermo Lasso, tha se nuk do të marrë pjesë në ndeshjen hapëse të kombit të tij kundër Katarit, duke përmendur trazirat e brendshme.

Ceremonia e hapjes do të mbahet në stadiumin Al Bayt me kapacitet 60 mijë tifozë dhe që ndodhet 40 km në veri të Dohasit. I emëruar dhe projektuar sipas tendave të përdorura nga nomadët në Gji, Stadiumi Al Bayt është vendi më i largët nga Doha qendrore, por gjithashtu një nga më të mëdhenjtë.

Grupi BTS i Koresë së Jugut tha se Jungkook, një nga shtatë anëtarët e tij, do të performonte në ceremoni.