Gjithnjë e më shumë austriakët dëshirojnë të jetojnë vetëm

Vitet e fundit, përqindja e familjeve të cilët jeton vetëm me një person, është rritur dukshëm në Austri

Qiraja mesatare mujore, duke përfshirë pagesat e obligueshme banesore (Betriebskosten) në Austri ishte 8.5 euro për metër katror në tremujorin e parë të këtij viti. Në tremujorin e katërt të vitit 2021 ishte 8.4 euro dhe në tremujorin e parë të vitit 2021 8.3 euro.

Sipas një analize të Statistikë Austria, shuma aktuale e qirasë mujore, duke përfshirë “Betriebskosten” varet, ndër të tjera, nga segmenti i qirasë (ndërtesë e vjetër/ndërtesë e re), periudha e qirasë, madhësia e banesës, lagjja, por edhe rajoni.

Në tremujorin e parë të vitit 2022, qiraja mesatare mujore për të marrë një banesë ishte 567.5 euro, dhe arriti në 2.2 euro për metër katëror ose 147.7 euro për një banesë, transmeton albinfo.at.

Rreth 1.5 milionë shtëpi/banesa në Austri kanë vetëm nga një banor

Vitet e fundit përqindja e familjeve me një person është rritur dukshëm. Në vitin 2010, proporcioni ishte 36.2 për qind dhe u rrit në 38.0 për qind në fillim të 2022-ës. Kjo do të thotë se më shumë se 1.5 milionë shtëpi/banesa kanë vetëm nga një banor në Austri.

Sipas Statistikave të Austrisë, Burgenland kishte përqindjen më të vogël të familjeve me një person në tremujorin e parë të 2022 me 32.8 për qind, ndërsa më e larta në Austri, ishte Vjena me 44.8 për qind. Pothuajse gjysma e atyre që jetojnë vetëm janë të moshës rreth 60 vjeç ose më të vjetër. Shumica prej kësaj kategorie të banimit vetëm, janë gra, shkruan albinfo.at.

Familjet me një person janë më të ngarkuara financiarisht nga shpenzimet e tyre të jetesës sesa familjet me shumë persona. “Nëse shikoni shpenzimet e banimit si pjesë e shpenzimeve totale të konsumatorit, kjo tregon se një e dhjeta e familjeve shpenzojnë pothuajse gjysmën e buxhetit të tyre për banim dhe rrjedhimisht kanë më pak në dispozicion për transport ose kohë të lirë”, thuhet në analizën e Statistikë Austria, përcjell albinfo.at.

---