Gjithnjë e më shumë po i kthehen Kosovës

Nëse jeni kthyer në vendlindje pas korrikut të vitit 2010 nuk do të gjeni ndihma të shtetit të Kosovës

Procesi i riatdhesimit dhe i riintegrimit të personave të riatdhesuar është duke ndodhur edhe në Ferizajt.

Zyrtarët e përfshirë në këtë proces kanë theksuar se deri tash, janë kthyer nga shtetet perëndimore familje të tëra. 

Sipas zyrtarëve të komunës, deri më tash 36 familje me gjithsej 78 anëtarë janë riatdhesuar, prej tyre 38 janë shqiptarë, 25 nga komuniteti ashkali, 12 nga ai rom dhe 3 nga komuniteti serb.

Të gjitha familjet që kanë shkuar në shtete të ndryshme para korrikut të 2010-ës kanë të drejtë të aplikojnë për ndihma, ndërsa ata që kanë shkuar pas korrikut të vitit 2010 nuk kanë të drejtë të aplikojnë për ndihma, pasi që sipas zyrtarëve nuk llogariten persona të riatdhesuar.

Sipas strategjisë së këtij procesi parashihet që në Kosovë të kthehen rreth 5 mijë persona në vit. 

Procesi i kthimit dhe riintegrimit është duke u mbështetur nga Bashkimi Evropian si dhe po realizohet nga Zyra Ndërlidhëse e Komisionit Evropian, bashkëfinancuar nga Ministria për Kthim dhe Komunitete.