Gjuriq sillet në Prishtinë

Policia e Kosovës ka arrestuar shefin e zyrës serbe në qeverinë e Kosovës, Marko Gjuriq, i cili ka hyrë pa leje në Kosovë, dhe kishte shkuar në Mitrovicë në një debat për dialogun Kosovë-Serbi.

Ai është sjellë në Prishtinë në stacionin “Qendra”. Qindra qytetarë kanë dalë në rrugë, duke përshëndetur policinë e Kosovës dhe duke sharë në drejtim të Gjuriqit, përcjell albinfo.ch.

Gjuriq është arrestuar pak pasi kishte filluar të fliste në sallë. Ai kishte thënë se askush nuk mund të i ndalojë. Por pak pas kësaj ka intervenuar policia e Kosovës, duke përdorur edhe dhunë e edhe gaz lotsjellës për arrestimin e Gjuriqit.

Në këtë takim ishin prezentë edhe ministrat serbë të qeverisë së Kosovës, duke përfshirë edhe zv.kryeministrin serb Delibor Jevtiq.