Gjysmëfinalet e Eurovision-it: Sonte, nata e Zvicrës dhe e Shqipërisë

Finalja e madhe do të zhvillohet këtë të shtunë, më 22 maj

Ky është edicioni i 65-të i konkursit të këngës Eurovision, i cili tani është rikthyer, pasi viti i kaluar ishte viti i parë i humbur në historinë e tij 65-vjeçare.

Zvicra do të garojë në gjysmëfinalen e dytë të Eurovision Song Contest në mbrëmje në ora 21:00, përcjell albinfo.ch.

Finalja e madhe do të zhvillohet këtë të shtunë, më 22 maj.

16 interpretues u ngjitën në skenën në Roterdam për gjysmën e parë të natës së kaluar. 10 prej të cilëve kanë arritur në finale të shtunën.

Zvicrën në këtë edicion do të përfaqësojë këngëtari me origjinë nga Kosova, Gjon’s Tears, apo Gjon Muharremaj.

Gjon Muharremaj me emrin artistik “Gjon Tears” është një këngëtar nga regjioni frankofon i Zvicrës, ndërsa prindërit e tij janë nga Kosova dhe Shqipëria, shkruan albinfo.ch. Ai, me këngën “Tour l’Univers” garon në konkursin e këtij viti, duke përfaqësuar për të dytën herë me radhë Zvicrën në këtë festival të madh të muzikës.

Këngëtari shqiptarozviceran ishte kualifikuar për të përfaqësuar  Zvicrën në ESC vitin e kaluar – atëherë me këngën “Répondez-Moi”, transmeton albinfo.ch. Por, siç dihet, festivali qe anuluar për shkak të pandemisë së koronës.

Ndërkohë, Anxhela Peristeri do të përfaqësojë Shqipërinë me këngën ‘Karma’. Paraqitjet e saj deri më tani kanë marrë vlerësime pozitive dhe mbetet të shihet nëse do të kalojë në finale.

 

---