Granit Xhaka larg Arsenalit, kërkohet nga skuadra gjermane

Xhaka drejt rikthimit në Bundesliga, një klub i ofron Arsenalit shkëmbimin e bujshëm

Granit Xhaka pritet që të largohet nga Arsenal në fundin e këtij sezoni. Mesfushori, i cili është dhe një nga kapitenët e skuadrës do të futet në vitin e fundit të kontratës, e natyrisht që dhe tek “topçinjtë” mendojnë që të përfitojnë diçka nga shitja e mundshme e Xhakës, përcjell albinfo.ch.

Mikel Arteta ka zbuluar dhe dëshirën e tij për të zëvendësuar Xhakën. Bëhet fjalë për Deklan Rajs, por Uest Hemi kërkon 100 milionë paundë, një shifër tepër e lartë. Në skenë tani ka dalë një tjetër opsion me Bajer Leverkuzenin që kërkon shkëmbimin e Xhakës me Musa Diabi. Klubi gjerman është gati që ti ofrojë një kontratë afatgjatë futbollistit që aktivizohet me përfaqësuesen zvicerane, diçka që e tundon Xhakën për të shqyrtuar ofertën e skuadrës gjermane.

Arsenal në anën tjetër do të shtonte në organikë një lojtar me shumë cilësi, pasi Diabi ka shënuar 9 gola gjatë këtij edicioni në Bundesligë, ndërsa numëron dhe 5 realizime në arenën ndërkombëtare.

---