Gratë fitojnë mesatarisht 11% më pak se burrat për të njëjtën punë në Zvicër

Sipas sondazhit të fundit zyrtar të pagave.

Të hënën, Zyra Federale e Statistikave raportoi se hendeku gjinor i pagave po ngushtohet, por vetëm ngadalë. Në vitin 2016 pati një pabarazi 12% në paga, e cila ra në 11.5% më 2018 dhe 10.8% më 2020, njofton albinfo.ch.

Hendeku është më i theksuar te shtresat me të ardhura më të larta të fuqisë punëtore. Menaxheret femra fitojnë 16.8% më pak se homologët meshkuj, por diferenca është 9.3% midis punëve me më pak përgjegjësi.

Zvicra ka prezantuar legjislacionin që synon zbutjen e diskriminimit, duke përfshirë kërkesën e kompanive më të mëdha për të raportuar nivelet e pagave për stafin meshkuj dhe femra çdo katër vjet, shkruan swissinfo.

Vitin e kaluar qeveria miratoi një grup të gjerë politikash për të përmirësuar kushtet për gratë, të quajtur Strategjia Kombëtare për Barazinë Gjinore.

 

---