Grekët tërheqin 7 miliardë € nga bankat për 40 ditë

Grekët duan të mbrojnë paratë e tyre në pritje të zgjedhjeve të parakohshme parlamentare të së dielës

Në vetëm 40 ditë grekët tërhoqën depozitat nga bankat që arrijnë vlerën prej 7 miliardë €, tha agjencia “Bloomberg”, duke cituar dy burime të besueshme nga qarqet bankare në Greqi.

Grekët duan të mbrojnë paratë e tyre në pritje të zgjedhjeve të parakohshme parlamentare të së dielës.

Nga mesi i këtij muaji janë tërhequr edhe katër miliardë. Sipas të dhënave të Bankës Qendrore, në nëntor depozitat në bankat greke arritën në 164.3 miliardë €.

Për shkak të këtyre tërheqjeve, dy bankat greke, “Eurobank” dhe “Alpha Bank”, kanë kërkuar qasje në fondin për sigurimin e likuiditetit emergjent.